بـعـض الـنـسـا بـالـطـيب يضرب بها أمثال
وبــعـض الـنـسـا تـسـعـى لـهـدم الـعـوايل

وبـعــض الـنـسـا بـالـفـكـر تـشـبـه للاطفال
تـفــكـيـرهـا مـحـدود قـاصـر وطـــــايـــل

وبـعـض الـنـسـا فـي فـكرها الـمـجد يـختال
مـثــل الاصـيــل الـلـي تـقــود الاصـايـــل

بـعـض الـنـسـا تـسـعـى لـتـكـديس الامـوال
مــاهــمـهــا يــاكــــود جــمـع الـحـصـايل

وبـعـض الـنـسـا تـتـبـع هـواها بــالافــعــال
مـــاتـداري الــمـنــقـود مـن قـول قــايـــل

وبـعـض الـنـسـا بـلـسـانـهـا ســمِ فـعـــــــال
تــظـــهــر غــلا والـقــلـب لـلـشـر شـايـل

وبـعـض الـنـسـا تـتـبـع هـل الـقـيـل والـقال
مـاحـسّـبــت لـلـرب يــــوم الــهــوايــــــل

وبـعـض الـنـسـا مـنـطـوقـها عـذب الاقوال
وبــطـيـــبــهـا تـشـبـه ورود الـخـمـايـــــل

تـعـطـيـك مـن زيــن الـمـعـانـي بـالـلآمـال
لـو عـرضــوا لـك مـــاتـــدور بـــــدايـــل

الـفـرق فـي طـبـع الـنـسـا طـولـة الـبــــال
الـــلـي تـشـيـل بـقـلـبـهـا مـاتـسـايــــــــــل

وبـعـض الـنــسـا كـشخه وموضه وسلسال
مـتـغــطـرســـه مـاتـــدري الـعـمـر زايـل

مـلـبـوسـهـا مـن صـيـحـة الـعـصـر أشكال
تـركـض ورى الـمـوضـه بـكـل الـوسـايل


تـبـي تـفـاخــر والـفـخر طـيـب الاعمـــال
مـاكـل مـن يـسـعـى عـلـى الـطـيـب نـايل

وبـعـض الـنـسـا في عقلها عن ألف رجال
ويـثـبـت عـلـى مـااقـول عــــدة دلايــــــل

بـالـديـن والاخــلاق وبـطــيـبـة الـــــفـــال
وبـافـعـالــهـا تـجـمـع جـمـيـع الـخـصـايـل

أصـابـع بـن آدم تـفـاوت بـــالاطــــــــوال
وكـلـن عطـاه الـلـه لـبـعـض الـمــثـايــــل

لاشـــك بـه فـرق بـيـن انـثــى ورجـــــال
الـديــن أنـصـف بـيـن كــل الــفـصـايــــل
مثل السحـــــــــــــــــــــــاب